Are We Just Friends? ( Chapter 14)

 * IT HURTS. I FEEL IT NOW. * And some parts of Chapter 15 * A NEW ME*

-Sabado-
" Ems, tara. Hinihintay na tayo ni Ann." angal sa kanya ni Freya na kanina pa siya hinihintay sa labas ng pinto.

" Teka-" at bago pa siya makapagreklamo hinila na siya ni Freya papuntang sasakyan ni Ann.

" Good morning MM. Tara!" Ann said with delight.

" San ba kasi tayo pupunta? " tanong niya sa mga ito.

" Bonding bonding. Sa mall o kung saan tayo mapadpad!" sabi naman ni Freya.

" Correct!" nakipag-apir pa ito kay Freya. Kinindatan ni Ann si Freya at ganun din si Freya.

Nalaman kasi ni Freya ang nangyari kay MM. Kaya gusto nila itong pasayahin.

Nagpunta sila sa mga museums. Tapos sa isang park. Tapos sa mall. Busy silang nagbobonding magkakaibigan.

****
-Sabado 5:30 pm-
" Daniel, kahit noon pa mahal na kita. Alam ko minahal mo rin ako noon kahit bata pa tayo..." sabi ni Emily sa kanya. Nakaupo sila sa may park.

Wala naman itong imik. Pero sa isip niya, " Siguro kaya ka nagbalik para patunayan na hindi si Ann ang para sa akin."

"Daniel..." nilapitan niya ito. Hinawakan niya ang mga kamay nito at yumuko.

" Gusto mo si Ann hindi ba?" bigla siyang tinignan ni  DD.

" Kung ganon-" tumayo si Emily. " Aa-"

Bigla siyang yinakap ni DD. " Mahal din kita Emy-ems..."

" D-daniel..."

" I love you noon pa..."

****
 -Monday-
" Oh ano?! Ha?!" nakikipagkulitan si Emily kay DD nang maabutan ito nina MM, Fretz, Ann, Bret, Ian at Sam.

" Mukhang ang saya niyo dyan ah..." bati sa kanila ni Bret.

" Hindi kaya..." wika ni Ann sa sarili.

" Please wag naman sana..." wika ni Fretz sa sarili. Sinabi na rin kasi sa kanya ni Ann ang tungkol kay Emily. May hula kasi sila ni Ann na may gusto itong si Emily kay DD.

" Bat kaya ang saya ng dalawang 'to?" wika naman ni MM.

" Oh hi." bati ni DD.

" Hi." tipid na bati ng tatlong babae. " Girlfriend, let's order" sabi ni Ann. " Oo nga... Gutom na ako eh..." pag sang ayon ni Fretz.

Ang tatlong lalaki sumunod na rin.

Nang mawala ang mga kaibigan, nagsalita si Emily at pumulupot ang kamay nito sa braso ni DD.

" When will you tell them about our relationship? Na tayo na?" tanong sa kanya ni Emily.

" Emy, in the right time..." sagot ni DD.

"DD! Lagot ka sakin!!!" umaapoy si Ann sa narinig.

Umupo siya sa harapan ng dalawa. " Pwede makiupo?" tanong niya na may ngiti. Biglang tinaggal ni Emily ang kamay niya.

" Sure!" sabi ni Emily. " Spoiler ng moment!" wika niya sa sarili.

Nakarating na rin si Fretz at MM. S.T: Ann, Fretz, MM. Opposite side: Emily DD.

"Daniel,(sweet voice) pwede bang sabay tayo mamaya umuwi?" paglalambing nito.

" O sige, papadala ko na lang ung isang car kay mang Jimmy. May pupuntahan naman ata sila MM mamaya."
sabi nito.

Si MM tahimik lang na kumakain ngunit nararamdaman niya na may parang bago. " Asan ang Emy-ems na nickname?"

" Dee-dee!" nakayuko si Ann kaya hindi mapapansin ang galit nito.

" Huh!" mahinang banggit ni DD habang nakatingin kay Ann.

" What is is bab- Daniel?" muntikan na siyang madulas.

Dumating ang mga lalaki.

" Wala naman babe. I guess we can tell them..." na may ngiti sa labi.

" Babe?" gulat na tanong ng tatlong kadarating.

" DEE!!!" nagagalit na siya. Naaawa siya kay MM. At tsaka feeling niya ginagawa iyon ni DD para pagselosin siya pero ang totoo kahit ano pa ang gawin nito kasama si Emily, hindi siya magseselos. Pero si MM...

" Babe? Does he mean? Oh MY!!!" wika ni Freya.

" Babe? Kayo ba???" hindi mapigilang tanong ni MM.

Tumingin si Emily kay DD tumango naman ito.

" Oo MM." tipid niyang sagot na parang kinikilig pa.

" Kailan? Matagal na kayo siguro magkakilala kasi ang bilis niyong maging kayo..." curious niyang tanong pero ba't ganon. May kumikirot.

" Magkakababata kami... Basta... Hindi ko ma-explain eh..." sagot ni Emily.

" Congrats!" sunod sunod na sabi nila.

Naging tahimik ang tatlong babae. Si Emily salita ng salita.

Nang matapos ang lunch, biglang nag-announce na half day daw. May napanalunang achievement ang school. 'Caring For Nature Award' at 'Go Green Award' daw. At bukas wala ring pasok dahil public holiday.

Umuwi si MM sumama sina Fretz at Ann sa kanya.

****
Bigla na lang siyang napaluha. Iniisip pa lang niya ang nangyari kanina naiyak na siya.

" Ann, Fretz, alam bakit ba ako umiiyak? Bakit ganun nung sinabi nila na sila na, ang sakit. Nung hinalikan ni Emily si DD masakit. Bakit ganun? Is this what they call being in love? Nasasaktan ka kapg nakikita mo kasama ng iba ang gusto mo? Gusto ko ba talaga si DD? Diba friends lang kami? Bakit ko nararamdaman 'to?" tuloy-tuloy ang pagdaloy ng luha ni MM. Okay lang na umiyak siya ng umiyak dahil walang makakarinig sa kanila.

"Ems, in love bigla na lang susulpot. Sa di inaasahang pagkakataon. Sa di inaasahang tao na mamahalin mo pala..." niyakap ni Ann si MM.

" Ems, ang love may nasasaktan at may nagiging masaya. May mga mabibigo at may mga magtatagumpay." niyakap na rin ni Fretz si MM.

" Babe... Masakit... Kanina, nang ibulgar nila ang tungkol sa kanila, babe sila ng babe... Mahirap eh... Bakit ba kasi kailangan akong taaman nito... Cupid, why did you pick for me the worst scenario of love? Bakit sila Mommy at Daddy ang ganda ng love story? Wlang pangit na nagyari... Perfect love story ang kanila... Bakit sakin kailangan masaktan muna ako... Bakit ?" hnidi mapigilan ni MM na mapaupo na sa floor.Naghihina na siya.

Naalala niya ang moment nila sa Emerald lake. Ang fun na naramdaman niya kapag kasama isi DD hanggang sa biglang dumating si Emily. Nagbago ang lahat.

Hinagod ni Ann ang likod ni MM. Si Fretz bumaba para kumuha ng tubig.

****
" Good morning Ems!" bati nina Fretz at Ann sa kanya. Nag-overnight ang dalawa kina MM.

" Maligo ka na ha. Tapos bumaba ka na rin..." sabi ni Fretz.

" Umalis ba si Dee?" taong ni MM.

" Oo, may dat-" tinakpan ni Ann ang bibig ng Fretz.

" Date? Ah ok..." walang pakialam na sabi ni MM. Naligo ito at sinundan sa baba ang dalawa.

***
" Goodmorning dear!" bati sa kanya ng Tita Marie niya.

" Goodmorning Tita!" ngiting sambit niya.

" What happened to you my dear? Umiyak ka ba kagabi?" worried na tanong nito sa kanya.

" No Tita I'm fine po... Let's eat..."

***
Nang matapos kumain nagyaya ang dalawang kaibigan niya na mag-mall. Ayaw man niya kaso mapilit talaga ang dalawa.

" Parlor!!!" tiling sambit ni Ann. Hinila niya si MM.

" Ayoko!!!" pero huli na, ginugupitan na siya.

May make-up pa...

After

Before

" MM!!!" tili ni Fretz. " Ang ganda mo!!! This is a new you MM." sabi naman ni Ann.

Ang nag-gupit sa kanya, " Miss, pwede po bang picturan ko kayo. Ipopost ko po sa wall namin. Para makita ng mga tao, para po mas kumita kami. Ang ganda niyo po kasi eh..."

Maski siya hindi makapaniwala sa pagbabago sa kanya. " Sure poh..."